I statsråd i dag kom ei skikkeleg gladmelding til Hallingdal.
"I samsvar med lokale vedtak legg Samferdselsdepartementet opp til ei forsering av prosjektet, med anleggsstart hausten 2011 og opning hausten 2014 ."
Dette er gjort mogeleg ved at Buskerud fylkeskommune har vedteke å stille garanti, slik at Hallingporten Vegfinans AS kan ta opp lån for inntil 1.500 millionar kroner (total anleggskostnad). Formelt skal Stortinget handsame stortingsproposisjon om finansiering og utbygging av Sokna – Ørgenvika, men dette vil vera ein rein formalitet.
Etter fleire tiårs kamp blir endeleg det mest lønsamme vegprosjektet i landet realisert. Prosjektet vil korte ned avstanden mellom Hønefoss/Oslo – Hallingdal/Vestlandet med ca. 20 km. Eit svært positivt prosjekt for Hallingdal sine innbyggjarar, for næringslivet, for aust – vest sambandet og i forhold til trafikktryggleik.

Gratulere med dagen, og takk til alle som har gjort ein innsats for at Sokna – Ørgenvika no kan realiserast!